पंढरीचा विठ्ठल कोणी पहिला
उभा कसा राहिला विठेवरी ||धृ||
अंगी शोभे पितांबर पिवळा
गळया मध्ये वैजयंती माळा
चंदनाचा टिळा माथे शोभला ||१||
चला चला पंढरीला जावू
डोळे भरुनी विठू माऊलीला पाहू
भक्ती मार्ग त्याने आम्हा दाविला ||२||
ठेवोनिया दोन्ही कर कटी
तोह मुकुंद वाळवंटी
हरी नामाचा झेंडा तेथे लाविला ||३||
बाळ श्रावण रात्री आला
नको दूर लोटू पंढरीला
तव चरणी हा देह सारा वाहिला ||४||
No comments:
Post a Comment