घेई घेई माझे वाचे | गोड नाम विठोबाचे (GHEI GHEYI MAJHE VACHE | GOD NAAM VITHOBACHE)

घेई घेई माझे वाचे | गोड नाम विठोबाचे || १ ||

डोळे तुम्ही घ्यारे सुख | पाहा विठोबाचे मुख || २ ||

तुम्ही आइका रे कान | माझ्या विठोबाचे गुण || ३ ||

मन तेथे धाव घेई | राही विठोबाचे पायी || ४ ||

तुका म्हणे जीवा | नको सोडू या केशवा || ५ ||

नाम घेता उठाउठी, होय संसाराची तुटी (NAAM GHETA UTHAUTHI, HOY SANSARACHI TUTI)

नाम घेता उठाउठी,

होय संसाराची तुटी || धृ ||

ऐसा लाभ बांधा गांठी

विठ्ठल पायी मिठी  || १ ||

नामापरते साधन नाही

जें तू करिसी आणिक कांही || २ ||

हाकरोनी सांगे तुका

नाम घेता राहो नका || ३ ||

सुंदर ते ध्यान उभे विटेवरी (SUNDAR TE DHYAN UBHE VITHEVARI)

सुंदर ते ध्यान उभे विटेवरी

कर कटेवरी ठेवूनिया || धृ ||

तुळशी हार गळा कासे पितांबर

आवडे निरंतर हेचि ध्यान || १ ||

मकर कुंडले तळपती श्रवणी

कंठी कौस्तुभमणी विराजित || २ ||

तुका म्हणे माझे हेची सर्व सुख

पाहीन श्री मुख आवडीने || ३ ||

आता बोला मुखाने हरि नाम | जय जय राम (AATA BOLA MUKHANE HARI NAAM | JAY JAY RAAM)

आता बोला मुखाने हरि नाम जय जय राम

आता बोला मुखाने जय जय राम, जय जय राम जय जय राम

आता तरी बोला मुखाने जय जय राम || धृ ||

राम नामाने वाल्या कोळी तरला, वाल्याचा वाल्मीकी झाला

ऐसे हरिनामाचे काम.... जय जय || १ ||

राम नामाने आवडीत घडले, पाण्यावरती पाषाण तरले

ऐसे हरिनामाचे काम...... जय जय || २ ||

एकाजनार्दनी राम नाम, उद्धरिले भाविकात

ऐसे हरिनामाचे काम ..... जय जय || ३ ||

आवडे हे रूप गोजिरे सगुण (AAVADE HE RUP GOJIRE SAGUN)

आवडे हे रूप गोजिरे सगुण

पाहता लोचन सुखावले || धृ ||

आता द्रूष्टी पुढे एसाची तू राहे

जो मी तुज पाहे वेळोवेळा || १ ||

लाचावले मन लागलीस गोडी

ते जीव न सोडी ऐसे झाले || २ ||

तुका म्हणे आम्ही मागावे लडिवाळी

पुरवावी आळी माय बाप || ३ ||

देखोनिया तुझ्या रूपाचा आकार (DEKHONIYA TUJHYA RUPACHA AAKAR)

देखोनिया तुझ्या रूपाचा आकार

उभा कटीकर ढवोनिया || धृ ||

तेणे माझ्या चित्ती झाले समाधान

वाटते चरण ण सोडावे || १ ||

मुखी नाम गातो वाजवितो टाळी

नाचत राहुली प्रेमे सुख || २ ||

तुका म्हणे मज तुझ्या नामा पुढे

तुच्छे हे बा पुढे सकळही || ३ ||

रूप सावळे सुंदर (RUP SAVALE SUNDAR)

रूप सावळे सुंदर

गळा शोभे तुलसी हार || धृ ||

तो हा पंढरीचा राणा

नकळे योगियांच्या ध्याना || १ ||

पिवळा पितांबर वैजयंती

माया मुकुट शोभे किती || २ ||

एकाजनार्दनी ध्यान

विठे पाऊले समान || ३ ||

तुझे रूप पाहता देवा, सुख झाले माझ्या जीवा (TUJHE RUP PAHATA DEVA, SUKH JHALE MAJHYA JIVA)

तुझे रूप पाहता देवा

सुख झाले माझ्या जीवा || धृ ||

हे तो वाचे बोळवेना

काय सांगू नारायणा || १ ||

जन्मो जन्मीचे सुकृत

तुझे वाई रम्मे चित्त || २ ||

जरी योगाचा अभ्यास

तेव्हा तुझा निजध्यास || ३ ||

तुका म्हणे भक्त

गोड गाऊ हरीचे गीत || ४ ||

भगवा झेंडा फडकवीत आला आला (BHAGAVA JHENDA FADAKVIT AALA AALA)

भगवा झेंडा फडकवीत आला आला

जय जय राम कृष्ण राम कृष्ण बोला || धृ ||

अयोध्येचा राम राजा झाला

पितृवचनासाठी वनवास भोगीयेला || १ ||

गोकुळात कृष्ण जन्म झाला

कंस मामाचा हो वध त्याने केला || २ ||

जिजाइच्या पोटी शिव जन्मला

हिंदवी स्वराज्य हो स्थापन त्याने केला || ३ ||

टाळ बोले चिपळीला नाच माझ्या संग (TAAL BOLE CHIPALILA NAACH MAJHYA SANG)

टाळ बोले चिपळीला नाच माझ्या संग

देवाजीच्या व्दारी आज रंगला अभंग .... || धृ ||

दरबारी आले रंक आणि राव

झाले एकरूप नाही भेदभाव

गाऊ नाचू सारे या हो, होऊनी नि:संग .... || १ ||

जन सेवेपायी काया झिजवावी

घाव सोसुनिया मने रिझवावी

ताल देऊनिया बोलतो मृदुंग .... || २ ||

हरीभजनाचे सुख मी लुटावे

गात गात माझे डोळे मी मिटावे

नका करू कोणी माझ्या समाधीचा भंग .... || ३ ||

ब्रह्मनंदि देह बुडोनिया जाई

एक एक खांब वारकरी होई

कैलासीचा राणा, झाला पांडुरंग .... || ४ ||

चांदण चांदण झाली रात, एकविरीची पाहत होते वाट (CHANDAN CHANDAN JHALI RAAT, EKVIRECHI PAAHAT HOTE VAAT)

चांदण चांदण झाली रात, एकविरीची पाहत होते वाट .....

पुण्याचा सोनार बोलवा ग आईला नथनि घडावा ग .....

हळदी ग कुंकवाच घेऊन ताट एकविरीची पाहत होते वाट .....

चांदण चांदण झाली रात, एकविरीची पाहत होते वाट .....

ठाण्याचा कासार बोलवा ग आईला बांगड्या भरा ग .....

लिंब ग नारळाच घेऊन ताट, एकविरीची पाहत होते वाट .....

चांदण चांदण झाली रात, एकविरीची पाहत होते वाट .....

रायगड चा लोहार बोलवा ग, आईला त्रिशूल घडावा ग .....

उदो ग कोंबड्याच घेऊन ताट, एकविरीची पाहत होते वाट .....

चांदण चांदण झाली रात, एकविरीची पाहत होते वाट .....

रुपी गुंतले लोचन, पायी स्थिरावले मन (RUPI GUNTALE LOCHAN, PAYI STHIRAVALE MAN)

रुपी गुंतले लोचन, पायी स्थिरावले मन .... || धृ ||

देह भाव हरपला, तुझ पाहता विठ्ठला .... || १ ||

देवा काळोनेदी सुखदु:खा, तहान हरपली भूक .... || २ ||

तुका म्हणे नव्हे परती, तुझ्या दर्शने मागुती .... || ३ ||

कानडा राजा पंढरीचा (KANADA RAAJA PANDHARICHA)

कानडा  राजा पंढरीचा

वेदानाही नाही कळला अंत पार यांचा .... || धृ ||

निराकार तो निर्गुण ईश्वर

कसा प्रगटला असा विटेवर

उभय ठेविले हात कटीवर

पुतळा चैतन्याचा ... || १ ||

परब्रह्म हे भक्तांसाठी

उभे थकले भिमेसाठी

उभा राहिला भाव सांवयव

जणू कि पुंडलिकाचा ... || २ ||

हा नाम्याची खीर चाखतो

चोखोबाची गुरे राखतो

पुरंदराचा हा परमात्मा

वाली दामाजीचा ... || ३ ||

फिरत्या चाकावरती देसी मातीला आकार (FIRATYA CHAKA VARATI DESI MATILA AAKAR)

फिरत्या चाकावरती देसी मातीला आकार

विठ्ठल तू वेडा कुंभार ... || धृ ||

माती पाणी उजेड वारा, तूच मिसळशी सर्व पसारा

आभाळाच मग ये आकारा

तुझ्या घाटाच्या उतरंडीला नसे अंत ना पार ... || १ ||

घटाघटाचे रूप आगळे, प्रत्येकाच्या दैव वेगळेतुझ्या विना हे कोणा न कळे

मुखी कुणाच्या पडते लोणी कुणा मुखी अंगार ... || २ ||

तूच घडविशी तूच फोडीशी कुरवाळसी तू तूच जोडीशी

न कळे यातून काय सांधीशी

देसी डोळे परी निर्मिसी तया पुढे अंधार ... || ३ ||

विठू माऊली तू माऊली जगाची (VITHU MAVULI TU MAVULI JAGACHI)

विठू माऊली तू माऊली जगाची

माऊलीच मूर्ती विठ्ठलाची, विठ्ठला मायबापा || धृ ||

काय तुझी माया सांगू श्रीरंगा

संसाराची पंढरी तू केली पांडुरंगा

डोळ्यातून वाहे माय चंद्रभागा

अमृताची गोडी आज आलीया अभंगा विठ्ठला

अभंगाला जोड टाळ चीपल्याची

माऊलीच मूर्ती विठ्ठलाची ... || १ ||

लेकरांची सेवा केलीस तू आई

आ आ आ लेकरांची सेवा

कस पांग फेडू आता कस उतराई

तुझ्या उपकारा जगी तोड नाही

ओवाळूनी जीव माझा सावळे विठ्ठाई

जन्मभरी पूजा तुझ्या पाउलाची

माऊलीच मूर्ती विठ्ठलाची ... || २  ||

पांडुरंग पांडुरंग विठू माउली तू 

माझे माहेर पंढरी, आहे भिवरेच्या तीरी (MAJHE MAHER PANDHARI, AAHE BHIVARECHYA TIRI)

माझे माहेर पंढरी, आहे भिवरेच्या तीरी ... || धृ ||

बाप आणि आई, माझी विठ्ठल रखुमाई ... || १ ||

पुंडलिक आहे बंधू, त्याची ख्याती सांगू काय ... || २ ||

माझी बहिण चंद्रभागा, करीसे पापभंगा ... || ३ ||

एका जनार्दनी शरण, करी माहेरची आठवण ... || ४ ||

माझिया बोबडिया बोला, चित्त द्यावे बा विठ्ठला (MAJIYA BOBADIYA BOLA, CHITTA DYAVE BA VITHTHALA)

माझिया बोबडिया बोला, चित्त द्यावे बा विठ्ठला ... || धृ ||

वारा वाहे भलत्या ठाया, हीच माझी राग छाया ... || १ ||

गाता येईल तैसेची गावे, मुखी हरी हरी म्हणावे ... || २ ||

तन मन नेणु देवा, नामा विनवितो केशवा ... || ३ ||

चंद्रभागेच्या तिरी उभा मंदिरी तो पहा विठेवरी (CHANDRA BHAGECHYA TIRI UBHA MANDIRI TO PAHA VITHEVARI)

चंद्रभागेच्या तिरी उभा मंदिरी तो पहा विठेवरी

विठ्ठल विठ्ठल जय हरी

दुमदुमली पंढरी, पांडुरंग हरी तो पहा विठेवरी

विठ्ठल विठ्ठल जय हरी

कधी प्रगटला तो जगजेठी आला पुंडलिकाच्या भेटी

पाहून सेवा घर, थांबला हरी तो पाहे विठेवरी

विठ्ठल विठ्ठल जय हरी || १ ||

नाम देव नामात रंगला, संत तुका कीर्तनी दंगला

टाळ घेउनी तरी, चला वारकरी, तो पहा विटेवरी

विठ्ठल विठ्ठल जय हरी || २ ||

संत जनाई ओवी गाई, विठाई ग विठाई

माझी पंढरीची आई, कशी सखू अन बहिणाबाई

विठाई ग विठाई, माझी पंढरीची आई,

रखुमाई मंदिरी ऐकली परी तो पहा विठेवरी

विठ्ठल विठ्ठल जय हरी || ३ ||